Лајонс клуб Вардар, во соработка со познатите македонски детски јунаци Биби и Боби, денеска, за миг го разубавија секојдневието на дечињата од одделението за онкологија во Детската клиника во Скопје.
Ѕидовите се украсени со ново руво (со ликовите на Биби и Боби), додека детската песна и прекрасните подароци ги расположија дечињата и нивните родители.
Лајонс клуб Вардар изразува огромна благодарност за срдечната поддршка од компанијата Светот на Биби при реализација на овој заеднички проект.
„Нема поголемо чувство од тоа кога ќе насмеете и израдувате дете“ изјавуваат чјеновите на ЛК Вардар.
Ова е една од многуте акции кои клубот ги реализира во рамките на своите хумани активности.
Продожуваат да служат и понатаму.
