Јуниорската репрезентација на Македонија повторно ја потврди својата извонредна подготвеност и талент во областа на информатиката! На Јуниорската Балканска Олимпијада по Информатика (JBOI 2025), која оваа година се одржа во Ларнака, Кипар, нашите млади информатичари остварија блескав успех — освојувајќи еден сребрен медал, еден бронзен медал и две олимписки пофалби!
–Сребрен медал освои Марко Кренков,
–Бронзен медал – Владимир Грчев,
–Олимписки пофалби – Зоран Илијоски и Јаков Грујовски.
Овој резултат претставува достојно заокружување на една исклучително успешна година за младите македонски информатичари, кои со својот труд, знаење и упорност продолжуваат да ја претставуваат Македонија во најдобро светло на меѓународната сцена.
Јуниорската Балканска Олимпијада по Информатика (JBOI) е едно од најпрестижните натпреварувања за ученици од основно и средно образование од земјите на Балканот. Настанот собира најдобрите млади таленти во информатиката, кои се натпреваруваат во решавање на сложени алгоритамски задачи и проблеми, барајќи високо ниво на логичко размислување и програмерски вештини.
Честитки до сите натпреварувачи, нивните ментори и целокупниот тим кој го поддржа учеството на Македонија! Вашиот успех е инспирација за новите генерации млади програмери кои сонуваат да ги следат вашите чекори.
Браво дечки! Продолжете да ја градите иднината со знаење, креативност и страст кон информатиката!
